اعملي بسكويت بطعم زي بتاع برة , طريقة عمل بسكويت النشادر للشيف حسن
مقادير عمل بسكويت النشادر كيلو من الدقيق ونصف كيلو من السمنه
و كوب الاربع من السكر الناعم وحبتين من البيض وكيس من النشادر وكيس من الفانيليا
وكيس من البيكنج باودر طريقه عمل البسكويت اولا ضعي السمن والسكر في طبق واخفقيهم مع
بعض كويس قوي
باستخدام المضرب الكهربائى او العجانه علشان تحصلي على خليط متجانس وبعدين ضيفي حبتين من البيض
واستمري في التقليب وبعدين ضيفي الى المزيج الفانيليا والنشادر واخلطي جيدا مره اخرى
وبعدين ضيفي الدقيق والبيكنج باودر الى المزيج السابق واخفقيه كويس جدا على السرعه القليله
علشان يكون عندك عجينه لينه وبعدين سيبي العجينه لمده 15 دقيقه علشان ترتاح شويه
وبعدين شكلي العجينه الى اصابع طويله او ممكن انك تستخدمى مكنه البسكويت
علشان تعملي اشكال البسكويت المختلفه وبعدين ضعى اصابع البسكويت في صينيه
وبعدين دخلي الصينيه دي في الفرن على درجه حراره 150 مئويه وسيبيها لمده ثلث ساعه
علشان تاخذ اللون الذهبى وبعدين خرجي الصينيه من الفرن و سيبيها لحد ما تبرد وبالهناء
والشفاء